sru:version: 1.2; sru:query: fcs.rf="mecmua.4_54"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.4_54"; sru:baseUrl: ; fcs:returnedRecords: 1; fcs:duration: PT0.025S PT0.026S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.4_54</phrase></query>)];

Vaqtüñüze ḥāżır olun
Ecel vardur gelür bir gün
Emānetdür işbu cānuñ
Issı vardur gelür bir gün

Şarqa ġarba qaçar iseñ
Pervāz urup ucar iseñ
Yėri gögi geçer iseñ
Ecel bulur alur bir gün

Dünyā içün ġuṣṣa yėme
Bu güni yarına qoma
Bu dünyā benümdür dėme
Senden daḫı qalur bir gün

Cürür bu söyleyen diller
Qalur qazanduġın māllar
Yaġma eyller [!] anı ėller
Vāris̱lere qalur bir gün

Ḥaqq ṣoḥbetine var gelmeyen
Ögüt naṣiḥat [!] almayan
Elif bāʾi bilmeyen
Defterüni oqur bir gün

Yūnus ėder sözi söyler
ʿIşquñ deryāsunı boylar
Yapduġın olur sarāylar
Vīrān olur qalur bir gün